راشد عبد القادر
فى واحد كاهن كبييير هو وجماعته شغالين كضب ودجل للشعب السودانى
ومافى وماعندنا وما حصل والفلاسفة القونات وكورجة الضفادع الاوبرالية والهبنقات شغالين ليه صحيييح يا خطييير ..
فلقى الحكاية ماشة قام تنقش تنقش شيتك شيتك كتب ليه مقال كله كضب ودجل واستبلاه وانبطاح ويا وول استريت جورنال جاكم مفكر كبير ومحلل خطير واستراتيجى ضليع
هو المسكين قايل العالم ياهو الانصرافى وابورهف والحضرانه والحورى وسطوح والصحفييين الوهميين وستات الشى ذاتو والهناي والبتاع والهلمه وشيبه ضرار والارادله وهجو والامبتارى وكاسات وابورغيفه وتحالف البلاهة المتحد
ماعارف انه فى استخبارات واقمار صناعية وبعثات دبلوماسية وعالم ناقشين الوهمات
المهم المقال اتنشر بي جاى والبتاع والهناي والمفكرين والحضرانات والياتو ماياتو وشلة الضفادع اشتغلو سيمفونية المقال الرهيب العجيب الكبا العلم ودفففق المعرفة واقنع العم سام وود خاله جون ووراهم الحقائق وكشف ليهم ما لم يحيطو به خبرا..
واقتنعو ان الجيش ثورجى وبتاع تحول ديمقراطى وما مجرم ولا بتاع ملايش ولا بيعرف درب الانقلابات وان الجنجويد جو من العدم وسلاحم دا ابدا ما شافوه ولا سمعو بيهم فى اليمن ولا ان البرهان فردتم وود ونستم ورفيق الدروب وما عرفوهم الا اول امس وانه كرتى ما موجود واحمد هرون شبح وابراهيم محمود خرافة ووجود الحركة الاسلامية فوبيا قحتية
الجماعة قرو المقال وقالو بسسسسم الله اتهجمو ما قالو جيسوس..
دا جنا ولا مالو؟ عرفناه كضاب ومستهبل لكن جوه بورتسودانه وضواحيها كمان يجينا هنا ويبيع لينا العبط دا؟
الزول دا ما نصيح؟
وقشطوه مقالات فى الوول استريت نفسها ثم حدث ما حدث
الحكمه..
لو انت طيره ودلاهة خليك جوه البيت ياهم الولدوك والمجبورين عليك
لكن ما تتشالق وتعمل زي البرهان
تجيب الكفاوى لي روحك ولى ناس بيتكم
#لا_للحرب
#نعم_للسودان
