في الأول .. بكذبوك ويشتموك ويتهموك بأفظع الأتهامات ، وأطيب واحد فيهم بسخر منك ويطلعك مجنون ..

هشام علي ودقلبا
في الأول .. بكذبوك ويشتموك ويتهموك بأفظع الأتهامات ، وأطيب واحد فيهم بسخر منك ويطلعك مجنون ..
لما يبدأ فجر الحقيقة يرمي شوية ضوء .. بيجتهدوا في المكابرة والإصرار على الإنكار ويفتشوا أعذار وشماعات .. أكتر من إجتهادهم في إنقاذ ما يمكن إنقاذه ..
ولما شمس الحقيقة تجهرهم .. ما بكون عندهم رفاهية يتذكروا كلامك ، ولا رفاهية الندم .. بكونوا مشدوهين في رقبتهم بعد ما لبسوا في الحيط.
عشان كده قول الحقيقة الشفتها .. وخليك مطمئن مهما حصل ليك وقالوا عنك ما تحمل نفسك فوق طاقة البشر .. إنت مهمتك وواجبك تبلغ وتقول الحقيقة زي ما شايفها ، ما مطلوب منك تفتح بصرهم وبصائرهم ويشوفوها.