رشا عوض
نحن امام جريمة بشعة هي فض الاعتصام، الذي قرر الفض ونفذه بتلك الطريقة الاجرامية هو قوات الجيش والدعم السريع والامن والشرطة وكتائب الظل الكيزانية وفي فترة كانت السلطة السياسية العليا للمجلس العسكري، الخائب او الخائبة ما يقدر ينفي المسؤولية عن العسكر والكيزان ، يعمل شنو؟ يحاول يشتت الكورة بي اكاذيب تافهة على شاكلة ان احزاب الحرية والتغيير كانت شريكة في قرار فض الاعتصام، او الانصار فكوا خيمتم ودا دليل على انهم على علم بفض الاعتصام يا اخي هي الخيمة دي ثمنها كم يعني عشان يحرصوا على فكها وانقاذها في حين ان ابناء الانصار انفسهم كانو في ساحة الاعتصام! الخيمة اغلى من اولادم؟ ما مصلحة قوى مدنية في فض اعتصام شعاره مدنيااااااو! اي زول عايز يلطخ الدماء المسفوكة بايدي العسكر والكيزان في ثياب القوى المدنية دا يا كوز ضلالي وليس على الكوز حرج يا زول خايب ساي
