اشرف مصطفي الهندي
✋لا أكتب ولا أعلق غالبا في مواسم الترند، لأن الهموم الخاصة وما يحدث في حياتنا، يغطي على أي ترند!
#نصيحة اتركوا الثرثرة والصداع، والركض وراء ثقافة الزحام، وركزوا في ترنداتكم الشخصية التي تخطت مرحلة الدهشة!!
😡يعني لو فاضي ومفيش عندك مشاكل وبالك رايق اهري عادي، وشد لك كرسي في القهوة وادل بدلوك وجردلك!!
😎ولو إنسان طبيعي هادىء بتحاول تكون متزن وبتحاول تحتفظ بشوية العقل اللي عندك بسبب عجايب الدنيا المحيطة بيك.. يبقى بلاش تضيعهم وتصرفهم في الترند!
🫣لأن على فكرة اصحاب الترند نفسه عايشين يومهم زي الفل سواء منى ولا السقا ولا محمد صلاح ولا عمرو اديب ولا الجن الازرق، وحضرتك سايب حياتك وعيشتك ومشاكلك وقاعد تدافع عن س وترفع ضغطك علشان ص!!
بترد على ألف تعليق وتهاجم دا ودا، ومش عارف تنام بسبب الاستاذ حسن، وتعليق مدام اميرة، وصحبك اتصل بيك يناقشك في المكتوب وزمايلك بيطمنوا عليك ودا نصحك تحذف ودا نصحك بمحامي ودا نصحك بالهدوء والعقل
✋وانا سحر بانصحك تكبر وتعقل وتروح تنام وتسيب الصداع دا كله لأصحابه، لأنك بتشارك في فرح حتى مش معزوم فيه ولا حد شايفك ولا شايفني انا اصلا!
يبقى ركز في شغلك واكل عيشك او جاتوهك لو انت من ايجبت وبلاش توجع دماغنا بمعاركك الفيسبوكية ..
الواحد والله مش لاقي اي متنفس لهمومه هو هيقعد يحل ويناقش ترندات غيره!
#ترند_اليوم
#موسم_الترند
#ادل_بدلوك_وارفع_ضغطك_علشانهم
الصورة وانا أدلي بدلوي لكن في موضوعات علمية
