حبة حنان ..
بتنزل الضغط الغريب ..
وتنزل الدولار
كمان ..
وجايز كمان ..
دي ترجع السودان كما قد كان
زمان ..
حبة حنان .. ينخفض سعر
الخضار ..
ويرجع التيار .. تعود المويه تاني
لي كل دار ..
كورتنا ترجع تاني درب
الانتصار ..
وجايز كمان ..
ناخد بطولة افريقيا
بعد الانتظار ..
القمه ترجع زي زمان ..
حبة حنان ..
بترجع الغنا .. للغنا ..
وبعد الغياب
بترجع امجاد الكتاب
وتعيد شباب
المهرجان
حبة حنان
تنعدم في الدنيا
أحداث المرور ..
تختفي نقاط المرور ..
العلاج
تلقاهو بي المجان ..
ده لو جرح الزمان
حبة حنان ..
والساريه ترجع تاني
يبتسم العلم ..
النيل يصفق .. بي فهم ..
ومافي تعليم تاني اصلا
بي الفلوس
الفطور مجاني
والدرس الخصوص ..
والسفر ..
زي ما تريد .. وين ما تريد
كيف ما تريد ..
وتاني ترجعي لينا يا السكه
الحديد ..
والبريد ..
نفس المواعيد
جاي وماشي .. من البعيد ..
شايل الحنان
جايب الحنان ..
وحبة حنان .. الشعب
كل الشعب
حريه وسلام ..
والحمام .. مابين ايدينا
الطيبه
يتنادي الحمام ..
والنطام
ياخدنا طيات السحاب
يرفعنا لي ارفع
مكان
حبة حنان .. بتنزل الضغط
الغريب
وتنزل الدولار كمان ..
وجايز كمان .. بترجع السودان
كما قد كان زمان …
