جايب ليك مصنع حلاوة عكاز ، مصنع سفنجات ، مصنع دكوة ، وخايف السوق ما يمشي معاك ؟؟ بلغ عن المصانع الحوليك إنهم متعاونين ، إنتاجك حيتحجز ستة شهور لقدام.

هشام علي.
جايب ليك مصنع حلاوة عكاز ، مصنع سفنجات ، مصنع دكوة ، وخايف السوق ما يمشي معاك ؟؟
بلغ عن المصانع الحوليك إنهم متعاونين ، إنتاجك حيتحجز ستة شهور لقدام.
سيد البيت زانقك وإنت ليك أربعة شهور ما دافع الإيجار ؟؟
بلغ عنه متعاون ، عشرة سنين ما حتشوفو.
عندك نية تفتح مطعم ، روضة ، حلاق ، عماري …. الخ ؟؟
بلغ على النشاط المشابه كيلومترين حوليك إنهم متعاونين ، في شهرين حتفتح تلاتة فروع لنشاطك.
مفلس وعندك قروش دايرها من زول ومماطلك وبستهبل عليك ؟؟
بلو طوالي ببلاغ متعاون ، خليه يدفع القروش مرتين ، قروشك وقدرها عشان يتخارج.
أبو حبيبتك رفض يعرسها ليك ؟؟
ما تبلغ طوالي انه متعاون ، ده برضو نسيبك وحيكون جد اولادك ، أديه تحذير واضح ، الخميس الجاي حتكون لابس الحريرة.
وأهم حاجة خليك (معلم) وجهز (المعلوم) قبل البلاغ ، عشان زولك من يطلع (أعلم) منك وتلقاه في وشك بعد ساعتين .. في (متعاونين) جد جد شالوا سلاح وقتلوا ونهبوا وسرقوا وقبضوهم بالثابتة وحكموهم إعدام ، دفعوا (المعلوم) وإتخارجوا وهسي برة السودان.
متعاون .. أقوى وأكتر سلاح مضمون لتصفية الحسابات وضرب الخصوم والمنافسين.
متعاون .. تهمة من لا تهمة له.
#جنجويد_رباطة
#اي_كوز_ندوسو_دوس
#مافي_مليشيا_بتحكم_دولة
#العسكر_للثكنات_والجنجويد_ينحل