حادثة تهز الآن مدينة الأبيض .. *إغتيال مولانا التجاني آدم صبي وكيل النيابة الأعلى والآن الجثمان داخل مستشفى الضمان تمهيداً لدخوله المشرحة

نشوف وكيل النيابة ده كان بعمل في شنو ؟
والمتضرر من عمله منو ؟

من حوالي شهرين وكيل النيابة مولانا التحاني حرّك كل ملفات المعتقلين داخل السجون بتهمة ( المتعاونين ) .

البلاغ المحتاج يصل المحكمة : بيوصّلو طوالي …
البلاغ الما محتاح يصل المحكمة طوالي بيأمر بإطلاق سراح المعتقل ..
وبسبب عمله الملتزم تم إطلاق عدد كبير من المعتقلين المظلومين ..

وين بيت وكيل النيابة :
في حي المديرية ..
شرقه : بيت الوالي
غربه : مستشفى الشرطة
شماله : استاد الأبيض ( الأصلاً بقى ثكنة عسكرية )
جنوبه : موزّع خدمات إرتكازات عساكر ودفاعات تتبع للفرقة ..

يعني بإختصار مكان سكنه لو ما كنت عسكري ( جيش أو جهاز أمن أو خليه أمنية أو مشتركة ) لا يمكن تصل ليهو ..

وهو معاهو عسكري حراسة في البيت .

الملثمين : دقوا الباب ..
طلع ليهم
فتحوا فيهو النار ومشوا ..
يعني العملية دي ( تصفية عديل )
في رأيكم الوراها منو ؟
والمستفيد من اغتياله منو ؟
والمتضرر من تحقيق العدالة وإطلاق سراح المظلومين منو ؟
والمستفيد من تصفية العدالة في الأبيض منو ؟

ربنا يتولاه بواسع رحمته .. ويسكنه فسيح جناته مع الصديقين والشهداء