..مسيرات التفويض سيفكم للفقر قلام
شهد يوم الجمعه مسسيرات هادره جابت كل انحاء ولايات السودان تايدا وتفويضا للقوات المسلحه.. وتفويتا لكل متربص باع وطنه وارتمي في أحضان من لايريد الخير لبلادنا الحبيبه
خرجت مروي أم نخيل.. وتتقاسي الاصاله…خرجت نوري الخضراء ديمه والسقاي المعطر وتاريخو المسطر
خرجت القرير واوسلي وكورتي
في مسيره تملا العين وتكيلا شايلا هم الوطن ومعتزه بقواتها المسلحه
خرجت الولايه الشماليه.. وايضا كسلا الوريفه الشاربه من الطيبه ديمه
وخرجت سنار التاريخ ونهر النيل الرجاله والفراسه
كل السودان كان علي الموعد وهو يفوض قواته المسلحه ويعلن جاهزيته للدفاع معها عن ارض السودان.. هاهو شعب السودان الاصيل الضكران المابخاف البحمي بلدو وناسو.. وياهو ده السودان كريم وعزيز بي رجالو وأهلو
لامكان فيه للمواقف الرماديه والاراء الملونه…
بتريد اللطام فارس الكداد الزام
هزيت البلد من اليمن للشااام.سيييفك للفقر قلااااااااام
