ماعاوز اقول لكل كوز كتلوك ولا جوك جوك

ماعاوز اقول لكل كوز
كتلوك ولا جوك جوك
لكن اقول ان الخيار اصبح حمدوك
في النهايه لايصح الا الصحيح
لانه زول سوي خلقه وسلوك
ربنا اداهو القبول عن كل الناس
لانه زول متصالح وبسيط وضحوك
ظاهره كباطنه تحس بيه زول ود امك وابوك
يجبر خاطر كل زول زول ويكفيك شر عدوك
لابغش لابداهن لابتملق ولا بنفرد بي راي وكل مشكله يدعو الناس ان هلموا عووووك
ننتظر منه ود.بكري الجاك رسم معالم الجمهوريه الثانيه واعادة ايام مجدنا ايام السلطنات والملوك
وننتظر من نصرالدين مفرح ونصر الدين عبدالبارى والقراي صياغة انسان السودان الجديد في قالب واحد يجمع بين الكنيسه والمسجد بين الازرق والابيض والتعامل مع الجميع انهم خلق الله الذي احسن خلقهم لاتمييز بينهم ولاعنصريه ولاقبليه ولاجهويه، والتعامل انهم كلهم مواطنين من الدرجه الاولي يستحقون الحياة الكريمه التي تحفظ ادميتهم وانسانيتهم