كتيبة البراء تقاتل من اجلك عرضك دي كتيرة شوية وخلوها مستورة

حتى نغلق هذا الباب لايوجد لأهل هذه البلاد عرض في الشجرة ولا القيادة العامة ولاحتى في قاعدة وادي سيدنا بطلوا استهبال.
السودانيين ديل في سبيل الدفاع عن عرضهم انقسموا إلى
اثنين بعضهم آثر السلامة وحمل اسرته وطلع مفضلا العيش في معسكرات الإيواء وبظروف بالغة التعقيد حفاظا على حياته وأمن اسرته وآخرين اختاروا البقاء في الخرطوم وتولوا بانفسهم حماية أسرهم ويوميا بنسمع من مات وهو يدافع عن أهل بيته والاثنين عندي محل احترام وتقدير..
فبالله عليكم ما تجو تطلعونا من طورونا وتخلونا نغلط في ناس بنقدرهم ونقدر الظرف الذي وضعهم في هكذا موقف .. ولكن ان تصل تجي تقول لي كتيبة البراء بن مالك بتقاتل لحماية عرضك دي كتيرة شوية .. فبالله عليكم خلوها مستورة وخلونا ساكتين.
حسبنا الله ونعم الوكيل
#قلبي_على_وطني
#حرب_كرتي