الشاعر خليفه حسين يواسي شاعر الطنبور كنينابي ((محمد الكنينابي)) في إستشهاد إبنه سيدأحمد (جدو) في معركة الكرامة

الشاعر خليفه حسين
عاذرك اذا سالن دموع وأنا عارفو حار فقد الجنا
بس (ياكنينابي) الصبر زاد القلوب المؤمنه
والمات شهيد عند الله حي مكتوبلو في الدنيا الفنا
لكنو في جنات نعيم في الآخرة يبلغ للمني
يكفينا فخرأ مات شهيد مامال من المبدأ انتني
لاباع قضيتو ذي اليبيع لاشال اصالتو وكفنا
قدم رويحتو فدا وكتب سجل حروفو وعنونا
بي دمو فوق حيط الوطن والميتة اختار احسنا
نال (ياكنينابي) الشرف بروز شهادتو وعنونا
كفكف دموعك وافتخر وذي (جدو) كان نعم الجنا
زول للعرض يحمي الارض والدنيا خلا مفاتنا
والمولي يختار مايريد في حكمو عادل ربنا
ذي (جدو) لابكا لادموع ميتة شرف يابختنا
ويابختها السقاي تجود بي خير بنيها واحسنا
تلقاهو رافل في نعيم لافيهو آهه ولا عنا
تلقاهو اسع في جنان مبسوط.ويدو محننا