أشياء المجتمع السوداني العتيقة، يمكن تعمل ليها بحث في الغناء القديم بتلقاها مفهرسه ومؤرشفه

أشياء المجتمع السوداني العتيقة، يمكن تعمل ليها بحث في الغناء القديم بتلقاها مفهرسه ومؤرشفه-مِثالاً-مُرسال وردي المَرق وما رجع حتي يوم الناس هذا-خلونا، من مُرسال الغُنا-بِتعرِفو شنو عن مُرسال الشوق
او ساعي البريد المُجتمعي..؟
لغاية اوائل التمانينات التواصُل المشاعري كان بيتم بالجوابات وعبر وسيط، الوسيط
غالِباً صديقة مُقربة من المحبوبة، بتودي الخطابات وبتجيب الرد، عكس حالة ابوقطاطي…
خطاباتي البوديها…
تقول لا بتمشي لا حاجة…
مسألة تخصيص مرسال دي موجودة في التُراث العربي ودة بيأكد عروبية بعض تراثنا وبعض ثقافتنا-المُهِم، جوابات زمان
حاشدة بالآهات لأن اللُقيا كانت اندر من لبن الطير ولازم الجواب في آخرو يترسم فيهو
قلِب مقسوم علي حرفي طرف العلاقة، اما صيغة الجواب نفسو والعبارات الفيهو، فممكن نتكلم عنها في وكِت تاني…
#اسمع المُرسال تاني عشان تتاكد انو غنانا القديم رصد كل حِراك المجتمع وما ترك شاردة او واردة إلا احصاها وحفِظها.
محمد دنقلا