تجار الأزمات ظهروا من تانى يوم للحرب

تجار الأزمات ظهروا تقريبا من تاني يوم في الحرب…بدوها ناس بقالات الحلة النحن زباينن ،البقو زى أخواننا يفطروا معانا فى رمضان وفى الأعياد ونسأل من الغائب والعيان ..هم زاتهم ما كانو مقصرين …طيب الحصل شنو؟..الكلام نفسو ينطبق على بتاعين البصات السفرية…وعلى أصحاب الشقق فى الأقاليم…لا يعنى الحاصل شنو؟!!!هل الزيادات دى حتغنيكم؟هل الشى دا حلال؟هل المبررات حقت إنها حتكتم وانه يمكن ما تلقوا قروش دا مبرر ؟!!!وين التوكل على الله…وين من شق على الناس شاق الله عليه؟!!وين حبكم للرسول البتقولوه؟!!!
رغم كل ذلك فى الناس الكويسة الإيمانها قوى البتحب تساعد البتراقب الله فى كل تصرفاتها مثل ذلك الشاب البسيط فى معبر أرقين البأجر العناقريب للمبيت بالف جنيه فقط ولما تدفع ليه تانى يوم يرفض يأخد ويقول ليك بصك حيتحرك بعد شوية خليك قاعد وانا بجى بلمها.