موال تمن الغربة..

محمد عبد الله برقاوي..
مريت الصباح عند..
البيادر ….شفت..
غزلان… الفريق..
كان خمسة قول..
كان…ستة..
عديت بي مهل..
حييت وماقصرت..
مانفرن ..ولا .
لي صفوهن عكرت..
همسن لي بعض..
وانا في خطاي تقلت..
ارخيت السمع ..
وياريتني ما فكرت..
قالن..ود..منو..
وانا في ..سؤالنا حرت..
قالن زول غريب ..
ما اظنو..من الحته..
كلام .. زي إلسهم..
طعن القلب والجنه..
طفرت مني دمعه..
بالحيل أنا إتأثرت..
بنات اهلي ماعرفتي..
أمكن عشان طولت..
كان مالي ومال السفر..
وياريتني ما هاجرت..
تمن الغربه غالي..
وقاسي مهما جبت..
خسران يا ولد..
حت لو غنيت وفرت..
مالي …أنا كان..
بقيت …تربال..
وبي بلدي اتمسكت..
اتهنى بي نظراتن..
لانسني لا درت..

فبراير 1993
بعد غيبة عن الوطن
لمدة ستة أعوام كاملة