الصحفي الزين عثمان معلقاً على اقتراح البرهان: يا زول قدام موافقين ترجع للعلم القديم، بس ترجع معاه للقصر القديم هناك حيث رفرفت ألوانه فوق السارية

الصحفي الزين عثمان معلقاً على اقتراح البرهان:
يا زول قدام موافقين ترجع للعلم القديم، بس ترجع معاه للقصر القديم هناك حيث رفرفت ألوانه فوق السارية
وترجع معاه الخارطة القديمة بحدودها المعروفة
عشان نرجع للعلم القديم مفروض ترجع نيالا حيث جاء مقترح أن يكون لنا وطن ونكون فيه أحرار
وعشان نرجع للعلم القديم مفروض نرجع جيشنا القديم حيث لا مليشيات ولا رحم ودود ولود
وقبل ما ترجع العلم القديم مفروض نرجع الفاشر والجنينة وزالنجي وكل دارفور وجنوب كردفان وبابنوسة يا كاهن
وما تنسي ترجع معاك طيارة سودانير الواحدة من الصيانة فهي وبيت الأزهري اخر ما تبقي من الوان العلم القديم
زمان وعلى سبيل الطعمجة كنا بنقول دي بلد يرفعوا ليها علم ! المهم دي ما عمايل زول برفع ليهو علم
أنت بس أنزل من بص “الحلم” نحنا برانا بنرفع علمنا . ويمكن سودانيو وسودانيات زمن الذكاء الاصطناعي عاوزين يعملوا علم بلون “بنفسجي”
البلد دي حلها في تغير الكراهية بالمحبة ما في تغيير الوان القماش