الزول دا قال انو الندوة العملوها في لندن بتمويل من ( RUSI) وهو معهد ملكي بريطاني متخصص في دراسات الامن والدفاع تكفل لهم بثمن التذاكر والاقامة والاعاشة ، وهذه بالمناسبة هي حدود المساعدات الاجنبية للقوى المدنية الديمقراطية ( تذاكر سفر وتكاليف اقامة واعاشة في فترة زمنية محددة هي فترة المؤتمرات او الندوات يعني مافي توزيع قروش بالكراتين على الناس كرشاوى كما تقول ابواق الكذب والتضليل، لانو ببساطة مال الغربيين هو مال محروس بقوانين ولوائح واخلاقيات عمل صارمة ومحسوب بدقة، والاهم انو اي زول بتاع رشاوي افضل مكان له هو سلطة العسكر والكيزان حيث لا حسيب ولا رقيب! يا كافي البلا لما محافظ البنك المركزي يسأل من عائدات الذهب يفصلوه من وظيفته!! )
ما علينا، طيب ما دام السادة الصحفيين الموالين للسلطة في بورتسودان وابواق حرب الندامة قبلوا التمويل الاجنبي عااادي جدا لماذا لا يعتذرون للقوى المدنية الديمقراطية عن فجورهم ووقاحتهم في تخوينها ووصفها العمالة والارتزاق؟ طبعا ما ممكن يعتذرو ولا يعترفوا باي خطأ لكن معقول في نفس الحلقة التي اكد فيها ضياء الدين بلال قبولهم لتمويل البريطانيين يكرر ذات الشتائم للاخرين بانهم مرتهنين بسبب التمويل الاجنبي!
لماذا انت غير مرتهن عندما تقبل هذا التمويل؟
الناس ديل وصلو درجة من الجنون وعدم التركيز غريبة جدا
ما دام دعايتكم الاعلامية كلها مبنية على ان المال الاجنبي نجس لا يمسه الا الخونة والعملاء لماذا يا كيزان ويا صحافة العسكر لا تلزموا انفسكم بتمويل سفرياتكم من جيوبكم الخاصة خدمة لاتساق دعايتكم! خصوصا يعني انكم جميعا ابتداء من صحفيي تلميع البوت العسكري وصولا الى اكبر دقن ضلال فيكم اثرياء ومتخمين باموال الشعب السوداني! كووولكم بي فللكم وسياراتكم الفارهة وارصدتكم الدولارية وشركاتكم يعني ما محتاجين لمنظمة بروميدييشن عشان تمول اجتماعات توحيد الحركة الاسلامية ولا محتاجين للمعهد البريطاني دا عشان يقطع تذاكر لاعضاء نادي صحافة قمبرة الشعب السوداني
