الراجل دا حسب ما علمت محاصر في مدينة الدلنج ويحارب مع الجيش منذ بداية الحرب ( دي نقطة مهمة علشان البلبوسي ما يشبكنا كالعادة الخونة ووو ) .
هشام عباس
سمعت كلام الزول دا كويس ،، طيب .
انسى العنصريين في الميديا اللي شغالين شتايم ووصف الناس بالعبيد ونزع الجنسية عنهم لانك ممكن تقول ديل شوية جهلة ومحرشين ..
يا سيدي انسى حتى كلام ضابط الجيش في اول يوم لفك الحياد من الحركات المسلحة ووصولهم لام درمان وهو بيقول لزملاءه وسط ضحك جماعي ( العبيد ديل اللي جايبهم هنا شنو ) .
عايزك تمسك راس البلد ، رئيس الدولة ، قائد الجيش البرهان وراجع التسريب القديم قبل الحرب وهو وسط اهله يخاطبهم باي لغة وفكرته عن البلد والحقوق ونظرته لبقية القبائل في السودان .
قارن خطاب الراجل البسيط دا بخطاب رئيسك وقائد جيشك . بعدها اسأل نفسك اين المشكلة ؟
انا لا ابرئ اي جهة بل انتقادي للحركات المسلحة مثلاً اعنف من انتقادي لاي جهة وكوارثهم في السودان لا تقل عن جرائم الحركة الاسلامية والجنجويد ، لكن في نفس الوقت ليس لدي ادني شك ان كل مشاكل اطراف الدولة السودانية بجنجويدها ومشتركتها والجنوبيون قبلهم ماهي الا لردة فعل على العقلية التي تسيطر على البلاد .
لذلك قبل ان يقنعوك ان دارفور مشكلتنا او النيل الازرق مشكلتنا اسأل نفسك لماذا دارفور بالذات ولماذا النيل الازرق اصبحوا مشكلة ؟
دا لو انت مستعد تفكر لكن اعلم ان التفكير جهد يتعب العقل المتكلس الكسل .
