اسامة سليمان
ناس المريخ زمن جمال الوالي والقروش جابوا لاعب نيجيري اسمه ستيفين وارغو دفعوا فيه ٣ ملايين دولار وناس مزمل وصحافة المريخ شغالين وارغو والهلال حارقه المهم الزول ده حايم مع المريخ من مدينة لمدينة وفي النهاية جاب قون واحد في فريق ولائي قون بـ ٣ مليون دولار..
ومرت الأيام ناس الهلال مشوا جابوا واحد اسمه اوتوبونج ولا حاجة زي دي الاتحاد السكندري ورطهم فيه بمليون دولار وهاك ياضجة ورئيس النادي حايم بيه في الخرطوم في عربية مكشوفة ودي طبعا ما بتحصل إلا في السودان وجرائد الهلال شغالة ومجدي عطا Majdi Atta معطل الشغل وكل يوم جايني ويشيل ويتحلف المهم أخونا أوتوبونج اتخارج قبل الممعلقين مايحفظوا اسمه / بس الحقيقة مرة جاب قون كورة طلعها المدافع ضربت في ظهره ودخلت …
