اي محاولة للتقليل من المواجهة التي تمت بين الجيش والمشتركة اليوم في صابرين تأكيد ع وضاعة من يروجون للأمن

حسن فاروق
اي محاولة للتقليل من المواجهة التي تمت بين الجيش والمشتركة اليوم في صابرين تأكيد ع وضاعة من يروجون للأمن والأمان بالقطعة ويتم وصف حالة الرعب والهلع وسط المواطنين ع انها ( مشكلة بسيطة وتم الاحتواء) كنت في صابرين وكلنا في حالة ارتباك ماف زول عارف يعمل شنو؟ والناس مسرعة في مغادرة المكان وبعض أصحاب المحلات اغلقوها وبعضهم يهم بالاغلاق أصوات رصاص ضربت سريع ووقفت في شنو؟ جات الإجابات سريعة من نظاميين وبعض المواطنين اشتباك في ارتكاز بين الجيش والمشتركة السبب؟ تعددت الأسباب ولم تنف حقيقة الواقعة ..
الوضع الأمني محتقن ولو ضرب لستك عربية الناس بتجري .. كمية السلاح المنتشر مخيف في منطقة يفترض انها آمنة أن صاحب الكلمة العليا فيها بوضع ضوابط تبعد السلاح عن السوق وتحدد لينا كمواطنين منو المسؤول عن كمية الشايلين سلاح؟ ما اذا زي ماقال جبريل انهم يتحركوا بأوامر الجيش؟ ده كلام للاستهلاك بنفيه الحصل اليوم في صابرين وبتنفيهو سوابق وصلت حصار قيادة الشرطة والقسم وإخراج متهمين تحت تهديد السلاح .. وده بنطبق ع كل حاملين السلاح ومحسوبين ع الجيش، المواطن مرعوب صاح لكن برضو شايف كويس، وصناعة الفوضى ووضع المواطن في خيارات( نمرق ونخليها ليهم او ( والله تاني لو اتحرقنا وكتلونا مابنكرر مرارة النزوح) .. ده ملخصو الناس فقدت الثقة او ع الناس البنو آمال ع الاستقرار لقوا انهم بنوا قصور من الرمال وأنه سيدك منو مامعروف، كلو يتفنن إرسال رسائل مباشرة ( هووووي يامواطن فتح عينك) .
تسقط تالت