كميل فرحان ادريس عين الفريق ولا اللواء ما عارف عابدين الطاهر ،، طبعا لو طلع لواء بيكون النور القبة بيرأسوا كونوا فريق

عوض ابوشعرة
كميل فرحان ادريس عين الفريق ولا اللواء ما عارف عابدين الطاهر ،، طبعا لو طلع لواء بيكون النور القبة بيرأسوا كونوا فريق ،، وذلك لمحاربة الفساد فيما اسماه النزاهة والشفافية ،،
وانا والله ما عارف نزاهة وشفافية مع منو ،، اكيد مع القحاته ،،
هسي عابدين ده يقدر يقبض جبريل مثلا ويحقق معاهو ولو عن المليار ونص دولار الكانت في خزينة بنك السودان بعدما اعتقلوا حمدوك ،، هل يقدر يسألو مشت وين ،، ؟
طبعا ده بغض النظر عن شفشفة فلوس البلد كلها بواسطة وزارة المالية ؟
هل يقدر يحقق مع اردول مثلا عن فلوس التعدين ،، او الوزير الشرد بي ٣٠٠ مليار ،، ؟
وديل كلهم خليهم ،، هل يقدر يحقق في صادر الذهب البيتصدر تلتو والباقي مخموش ،، ؟
تقدر يا عابدين تسأل البرهان جاب من وين ملايين الدولارات الاشتري بيها قصروا في انقرة وهو الموظف بمرتب ،، ؟
حيطة الجالوص لو بيضوها بالاسمنت برضو حتفضل حيطة جالوص يا كميل فرحان ،،
وخوفي عليك يا عابدين نجم المباحث السابق ،، خوفي عليك من سوء الخاتمة والله ،، .