تحبوني تكرهوني ده ما موضوعي موضوعي دي حرب ناس بتموت بيوت بتنهب وأعراض بتنتهك..خطاب عنصري مقيت يبشر بمزيد من انهار الدماء

تحبوني
تكرهوني
ده ما موضوعي
موضوعي دي
حرب ناس بتموت
بيوت بتنهب وأعراض
بتنتهك..خطاب عنصري
مقيت يبشر بمزيد من انهار
الدماء .. متابع ده كله ومتوفرة
لي معلومات بتساعدني في تشكيل رؤية اعتقد انها سليمة
بشأن مايجري في بلادي ..
تقوم على قناعة راسخة
أن القوات المسلحة هي الجهة
الوحيدة التي فوضها الشعب السوداني لاحتكار القوة
وان الدعم السريع مليشيا
ذات ماض وحاضر بالغ في السوء ولايمكن ابدا أن تقفز
على كل ذلك وتاتي لتبشرنا
بالحرية والديمقراطية ..
عليها اولا وقبل الحديث
عن أي قضية تهم الشعب السوداني أن تعتذر له على الاقل عن الجرائم التي ارتكبتها
في دارفور وأمام مباني القيادة العامة ودي جرائم سابقة لهذا الذي ارتكبته الان ولازالت ترتكبه في حق الشعب السوداني..
اما القوات المسلحة فهي أيضا مطالبة بذات الاعتذار لذات الجرائم لأنها كانت شريك اساسي في كل ذلك والآن الاخبار تتحدث عن اشتراكها في جرائم الحرب الأخيرة..
عارف سيقفز في ذهنك سؤال كمتابع لهذه الصفحة طيب موقفك من الحرب شنو هل انت محايد ح اقول ليك لا انا ما محايد في هذه الحرب .. ابدا حياد الصحفي من هذه الحرب مذمة انا ما محايد ولايمكن ابدا أن أكون محايد
وبالفم المليان بقول ليك انا ضد هذه الحرب وبعتبرها حرب عبثية يجب أن تقف اليوم قبل بكرة .. ما تجي تقول لي تقيف كيف دي ما مهمتي دي مهمة السياسين .. انا مهمتي انادي بانها تقيف عبر تسليط الضوء
على قبحها وسوء من اتخذ قرار اندلاعها.. المهم عندي تقيف إن شاء الله (بحجرة ورقة مقص).. وعلى قناعة مبنية على قاعدة معلومات صلبة أن هذه الحرب الكيزان من اشعلها وكان الاوفق لهم أن يعلنوا للشعب السوداني حتى يتخذ موقفه على بصيرة .
وبس
عشان لما تدخل الصفحة دي تكون فاهم انت ح تلقى فيها شنو؟ بنفع معاك خش ما بنفع معاك ادينا عرض اكتافك عليك يسهل وعلينا يمهل ووفر زمنك وزمنا
#قلبي_على_وطني