اسامة كنينة
عندما تريد انتهاك العدالة وخرق قيمها والدعوة للفوضي والقتل خارج القانون ، ياهو بتقول للشعب، امشو حاسبوا اي زول سلم للجيش بطريقتكم،، عشان كده ما تستغرب لم تجي مسيرة طاشة لبيت كيكل وتقطع نسله علي أساس عنده تارات كتيرة في الجزيرة ورغم ذلك البرهان اتعامل معاو كبطل قومي ومجاهد إسلامي بارز شبيه بخالد ابن الوليد ، تصريح البرهان لايعني سوي ، اي زول ياخد حقه بضراعه ، أما فأنا غير مسئول عن محاسبة اي زول انتهك كرامتكم طالما جا قال أنا ندمان وسافي التراب ،،، كده برهان قفل باب العدالة وفتح باب المحاسبة الشعبية ، واحفظوا التصريح ده كويس لانه بيفسر التصفيات والوفيات الغامضة الفاتت كمان حيغير من شكل العدالة ونقل المعركة من ردهات المحاكم الي شريعة الغاب …الزول ده ماكفاو نزيف الدماء الفات لامن يدعو الشعب لمحاسبة كل من انتهكت أرضهم وعرضهم ( واغتصب حرائرهم )… ما ممكن تعبي الناس وتقول ليهم ديل انتهكوكم وظعطوكم وظعطو اماتكم -اي والله قالها كده ) وبعدين تجي انت ذاتك تستقبل الظعتهم وظعت أمهاتهم بالاحضان ، وتقول ليهم انا ما يحاسبه ، امشو حاسبوهو انتو بطريقتكم ، فالشعب والمواطن الأعزل ما عنده اي وسيلة ينتقم بيها غير يلبد ليو بطريقته وياخد حقه بضراعه، خصوصا أنه البرهان قام بتسليح الشعب كله …يلا الحشاش يملأ شبكته …. اللهم سلم الأبرياء من هذا الهراء
