عوض ابوشعرة
اذا كان ده سلوك مولانات الاوقاف ،، نهبوا 11 مليار ونص في ثلاثين سنه ،،
طيب سلوك المؤسسات الما عندها علاقة بي الشئون الدينية ولا يقودها من يصدعوننا من علي منابر المساجد بالالتزام بثوابت الدين ،، حتي يتفرغوا هم لنهب ثوابت الحياة الرغدة وبالحرام كمان ،،
كل المطلوب انك تكون كوز تفتيحة بلحية مشذبة ،، وذبيبة صلاة يمكن ان ترسمها لك حاجه فايزة في العباسية علي طريقة ( دق الشفايف الزمان ) ،، وتكتر من الجلاليب والعمم والقفاطين والسبح وكل ما من شأنه ان يضعك في خانة المولانات ،، وبعدها تتفرغ للشفشفة واللهط بدون موية ،، وبعد كل لحسة تكبير وتهليل ،،
كل المصايب القاعدة تتكشف دي نقطة في بحر ،، انتو قايلين الكيزان رافضين يوقفوا الحرب ليه ،، ما لو الحرب وقفت الفضايح حتكتر ،، والناس حتسمع عن فساد ما سمعوا بيهو قبل كده ،، ده غير المحاسبة التي يمكن ان تصل لدرجة الشنق في جريمة قتل ،، مع تجميد الاموال ،، والحجز علي الاملاك ،،
حنشوفوا شوف يا كيزان ،، اصبروا بس ،،
