ما هذا الغش والتدليس ؟! ما هذا الكذب على الأزهر والاستهانة به ؟! فى اى ايام وفى اى عصر نعيش

اشرف مصطفي الهندي
واين دور الدولة أمام هذا الكذب ؟!
وأمام ما يحدث هل الدولة موافقة ؟!
هل لها دور فيما يحدث ؟!
يعنى عارفة ومطنشة
يبقى السؤال لماذا ؟
وإذا الامر كذلك ما هى الضغوط وما هو المقابل .
ياريت تقولوا لنا مين اللى بتحكم فى قوانين حياتنا ومين سبب فقرنا وسرقة مقدرتنا .
بيقولك الأزهر وافق على 90% من القانون!
يا راجل؟ ده الأزهر طلع يكذبكم علني
يمكن تختشوا على دمكم شوية !
كمية فجر واستحلال للكذب الصريح على أكبر مؤسسة دينية عشان يمرروا كارثة تخرب البيوت وتدي شرعية مزيفة للباطل..
ولما الأزهر لقى إن الطبخة المسمومة ريحتها فاحت، نفض إيده من الكارثة تماماً وقالهم بالنص: “لا شفناه ولا اتعرض علينا ولا شاركنا فيه.. شيلوا شيلتكم لوحدكم !! “.
ولم يكتف الازهر بذلك في البيان، وإنما فكرهم وقالهم إحنا أصلاً كـ “هيئة كبار علماء” عاملين مشروع قانون محترم متوافق مع الشرع من 2019، بس إنتوا اللي رميتوه في الدرج عشان بتفصلوا قوانين على مقاس لجان الخراب !
اللي بيحصل ده بيكشف حجم احماقة والوقاحة اللي وصلنالها.
الكيانات والمؤسسات النسوية، من أول المجلس القومي للمرأة لحد أصغر مؤسسة علمانية، بتلعب في أخطر ملف بيمس أعراض وأنساب المسلمين بكل بجاحة وتدليس.
الكيانات المفتعلة دي دي مبقاش ينفع معاها مجرد الانتقاد أو الشجب، دول لازم يتم حلهم فوراً وتسريحهم، ويتعاقب ويتحاكم كل فرد فيهم بتهمة تدمير الأسرة وتزوير إرادة الشرع والكذب على مؤسسات الدولة..
خربتوا البيوت وضيعتوا الأنساب وتقولوا لنا
الأزهر وافق !
والمستشار الكذاب ده لازم يختفي من المشهد حالا !
ولو عنده دم كان أخفى نفسه عن الأنظار
لانه خليق بأن يكون مسيلمة هذا العصر !