الأعمدة
البروبقندا الجاكومية الاردولية القصد منها افشال اجتماعات الخماسية لصالح قادة الانقلاب ومشوار حوار الوثبة البرهاني ،،
عوض ابوشعرة
الجاكومي في تسجيل بيقول هم مستحيل يقعدوا مع صمود لانو صمود واجهة سياسية للدعم السريع ،،
واردول بيقول نفس الكلام ،، والاتنين موزاب عن الكتلة الديمقراطية ،،
الجاكومي دخل السياسة لبط كعادتو من ايام فرض نفسو علي مجتمع المريخ حسادة في اولاد اهلو القيادات في الاتحاد والهلال ،،
واردول ،، ولسخرية القدر دخل الخرطوم بواسطة قيادات صمود لما كانت في قوي الحرية والتغيير ،، دخل البلد معزز مكرم بعدما كان الكيزان شحنوهو ونفوهو بره البلد ،،
عايز اقول ان البروبقندا الجاكومية الاردولية القصد منها افشال اجتماعات الخماسية لصالح قادة الانقلاب ومشوار حوار الوثبة البرهاني ،،
وبما ان الثورة ضد العسكر ،، والكتلة الديمقراطية داعمة لحكم العسكر يبقي المفروض تعتزر صمود مش الكتلة اللا ديمقراطية ،،
بس واضح انو زيما في قونات للسلطة في ( قونين ) رجال برضو ،،
