هشام علي ودقلبا
سطور من دفتر تعليمات استخدام الحساب ده ..
اول سطر ..
إنت كوز أو جناه جنجويدي أو بتناصرهم ، ما تعرض علي .. لو جيت كتبت آية الكرسي ، ببلك ببلوك ببلك.
إنت عنصري ما أشوفك ، ببلك ببلوك ببلك.
إنت بتتلفظ وتتظارف ما تتحاوم هنا ، ببلك ببلوك ببلك.
بتسيء للمتداخلين هنا ، ببلك ببلوك ببلك ، ديل خط أحمر.
بتسيء للثورة ، ببلك ببلوك ببلك وأحتمال أضاربك.
ما تتعب نفسك وتسألني (مصدرك شنو ؟) ، لأنه ما عندي إجابة ليك غير (أنا ده في رقبتي المصدر) .. المعلومة لما أكتبها ما بكون خاتيك في بالي إنك حتقراها ، خليك من إني أكون محتاجك تصدقها .. فقط بخت في بالي الله عز وجل وضميري والمحترمين البقروها .. فما عشان حضرة سعادتك تصدق المعلومة أنا أكشف ليك مصدري ، ياخ القانون في الدنيا كلها بحمي المصادر سؤالك ده المحكمة ما من حقها تسألني ليه .. عجبتك المعلومة شيلها ، ما عجبتك خليها في حتتها ، أساساً أنا ما عزمتك تجي تقراها.
وآخر سطر ..
المحتالين والنصابين بتاعين شيخ فلان ودعم من المنظمة الفلانية وفتح حساب بنكي والإعلانات ، ببلك ببلوك ببلك ، بعد ما ابلغ فيسبوك عن حسابك إرهابي ما غش وإحتيال.
وحباب أي زول ما من ضمن المذكورين أعلاه المساحة دي مساحتك.
