موضوع لجنة الحوار والاسماء الواردة فيه ،، معظمهم ان لم يكونوا كلهم ،، كانوا يعيشون في بحبوحة من العيش ،، وقريبين من دوائر صنع القرار الانقاذية ،،

عوض ابوشعرة
ومن قريبين من اقتصاد الكيزان الصفوي ،،
فجأة فقدوا كل شئ بسبب الحرب ،،
مصانع ،، وبضائع في مخازن ،، وفلوس اتنهبت ،، وجامعات خاصة اتعطلت ،، وصحافة بارت ،، وعربات اتسرقت ،، الخ ،،
اها باقي ليكم في جنس الحالة دي نوعية الناس ديل ممكن تفوت فرصة وظيفة زي دي كل المطلوب منك فيها انك تغالط الواقع والمنطق بيقول ،، ان هؤلاء الدكاترة والاساتذة اعصاء لجنة الترتيب للحوار حيحاولوا يعملوا حاجه ،، لو نجحت شكلا ستكون ساقطة مضمونا ،،
وفي ظل تصاعد الاحداث ،، وما ادراك ما الكيماوي ،، فأعتقد ان ابرهه نفسو بطنو طمت من أي حاجه ،،
حوار شنو الممكن يفرض وضع سياسي برهاني في ظل الادلة الجديدة التي تثبت استخدام الجيش للكيماوي ،، وتورط البرهان في التفاصيل منذ البداية ،، ؟
بس الاستمرار في عضوية اللجنة بيسئ للعضو شخصيا ،، خاصة في قضية وطنية خطيرة سيدونها التاريخ ،،
وقطعا ستكون هناك قائمتين فقط ،،
من هم الذين كانوا في واجهة الاحداث وناصروا الحق ،، ؟
ومن هم الذين ناصروا الباطل ،، ؟
وأي شخص يظهر في القائمة الثانية حيكون كتب علي روحو سوء خاتمة وطنية تمنها غالي جدا ،،
ليس للاعضاء وحدهم ،، انما لأسرهم الممتدة كذلك ،، ،،
وطبعا بعد قنابل الكيماوي الجديدة دي ،، الله اعلم يكون في حوار ،،
#المويه_وصلت_النخره_والغريق_قدام