نحنا قاعدين نقرأ النسخة الصوتية من كتاب “كفاحي ” للبرهان ولكن بنصغ بلد و١٢٠ حركة مسلحة ودمار البنية التحتية ..

بشري علي
نحنا قاعدين نقرأ النسخة الصوتية من كتاب “كفاحي ” للبرهان ولكن بنصغ بلد و١٢٠ حركة مسلحة ودمار البنية التحتية ….
ومافي حتة فيها كهرباء غير قاعة البكاء حيث جعل الفريق البرهان الدموع تسيل من خدي جدية ام حمامة
الغريبة رغم انه رسل الاعلاميين الداعمين له لمسرح الجريمة ولكنه ما جاب سيرة السلاح الكيماوي …
من الاسرار انه ذكر ان مريم الصادق المهدي قدمت عرض للحكم عشرة سنوات لكن مستحيل خالد سلك يعملا
بالمناسبة البشير هو آخر رئيس وضابط جيش محترف ولولا الدعم السريع لكان البرهان سفير في البحرين او سايق شريحة من شندي للخرطوم ، فالرجل لا يملك خبرة ولا كارزما القيادة واكتر زول ممكن يكون معاهو هو الفلانقاي محمد حامد جمعة
مفروض قصة فاطمة ام حجل البرهان يحكيها بعد يلقى العروس والتي يبلغ طول شعرها قدر طول شعر ذنب الحصان ..
ونحنا لسا في فصل البعاتية واللبن البكسر الكرعين
البرهان قرأ المستقبل وقال هلم للحرب و قال حظر السلاح ما بعمل لينا حاجة …
خطة الانقاذ والهروب غير متماسكة واذا البرهان كان لابد في بيت الضيافة وبينو وبين الدعامة عشرين متر وهم ما قادرين يسمعو صوت الايمو يبقى قصة السبعين شهيد الماتوا دفاعاً عنه في البدروم كانت طلس!!
البرهان مفتكرنا عايشين في الصومعة ١٨ وشربنا من المياه المخلوطة بمادة النسيان وما متذكرين التفاصيل…