الأخبار

انتو متأكدين يا شباب انو هاجر سليمان دي صحفية ،، ؟

طوارئ شنو البتحل ليك ازمة الرغيف ،، ؟ هو الرغيف براهو ،، ؟

عوض ابوشعرة
انتي ما شايفة كلما الكيزان الكبار يتخاتتوا تمن باخرة جازولين الجنيه بدق الدلجة ،، ؟
عارفه ليه بدق الدلجة ،، ؟
عشان بشتروا دولار باخرة الجازولين من بعضهم البعض ،، ما هم ذاتهم تجار العملة ،، ؟
يرفعوا ارصدتهم مع كل شحنة ،، ويخصموا من الجنيه ،،
والتكايا مع كل شحنة تتوسع ،، والامباز يخلص من المطاعم ،،
البلد ما فيها قروش يا استاذة هاجر ،،
ولا فيها مخزون سلعي بحل ليك مشكلة ،، كلو رزق اليوم باليوم ،،
وانتي بتطالبي بأعلان حالة الطوارئ في بلد ماشي علي الحديدة ،، ؟
انتي ما تقولي لا للحرب ،، صعبة دي ،، ؟
في امتحانات الوطنيه يا هاجر يا بتي ،، الاجابة دايما بلا او نعم ،،
والساقطين كتار ،،

زر الذهاب إلى الأعلى