والله عيب والله عيب شنو يعني تجيب فديو بشع من احداث لاعلاقة لها ببلدنا وتشتغل عليه وتنشره على اساس انه تم في السودان عايز تصل لي شنو مثلا
والله عيب والله عيب
شنو يعني تجيب فديو
بشع من احداث لاعلاقة لها ببلدنا وتشتغل عليه وتنشره على اساس انه تم في السودان
عايز تصل لي شنو مثلا .. يعني
من قلة البشاعة في الحرب الدائرة على رؤسنا.. اذا كنت من الداعيين لخنق آخر دعامي بمصران آخر قحاتي كما ترى عايز تقول لينا شنو انه المليشيا كعبة .. ياخ والله عارفين عارفين اقسم بالله عارفين، صور خميس أبكر كافية جدا .. واذا كنت من مؤيدين الدعم السريع عايز تصل بينا لي شنو ان الكيزان دمويين برضو عارفين مشاهد سحل على يعقوب واحتفاء البعض بها كافية جدا للتدليل على حديثك.. ما محتاجين استيراد مشاهد من الخارج ..
ياعزيزي شنو يعني النصر
هل بتعتقد أن الجيش اذا٢٢١ انتصر والمجتمع منقسم وبعضه كاره لبعضه سيحدث استقرار .
تحرضون الجار على جاره والصديق ضد صديقه وتمضمون الي تفريق الزوج عن زوجه .. عيب والله عيب ..
أن ينساق صحافي تدرج في هذه المهنة من محرر صغير إلى أن وصل أعلى مراتبها ويهوي بعد هذا العمر الي نشر معلومات مضللة ويوغل في خطاب كراهية اول من يحرق سيحرق اهله ماهو المقابل، هل سألت نفسك كم عدد الأنفس البريئة التي ربما ستزهق بنورك لفيديو يحرض مكونات المجتمع بعضها على بعض .. كيف ستتلوا قوله تعالي وان تؤدي فرائضه ( مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ وَلَقَدْ جَاءَتْهُمْ رُسُلُنَا بِالْبَيِّنَاتِ ثُمَّ إِنَّ كَثِيرًا مِّنْهُم بَعْدَ ذَٰلِكَ فِي الْأَرْضِ لَمُسْرِفُونَ) صدق الله العظيم
#اللهم_لا_ترفع_للكيزان_راية_ولا_تحقق_لهم_غاية_واجعلهم_للعالمين_عبرة_وآية
