امير احمد السيد
نحنا من زمان في امدرمان أتربينا تربية مع مرور السنين والتجارب اتضح لي انها مختلفة تماما اتعلمنا انه الناس واحد بتقابل الناس بمحبة شديد ودواخلك بتكون نقية جدا تجاههم وبتحاول تقدم أقصى ما عندك ولكن للأسف مع مرور الوقت اتضح لي ان البعض يعتبر ذلك استحقاق فيبدأ في العولاق ويفتكر انه شخص مهم طالما انك بتتواصل معاهو وطالما انك اديتو حجم ده مش لانه ما شايفك بالعكس ده لانه شايفك كويس جدا وعارف انه اقل بكثير جدا من ان يجد مثل هذه المعاملة الطيبة والاهتمام عشان كده بيقوم طوالي ينفخ نفسه ويفتكر انه حاجة عظيمة وإنه مهم ، حاجة ثانية ناس امدرمان عاشوا وسط الساسة والمتعلمين والمثقفين والفنانين والمشاهير بيشوفوهم يومي بيهاظروا معاهم يعني بصراحة ما شافوهم في التلفزيون ولا في قاعات الجامعات يعني ما مخاليع ولا في حاجة بتخلعهم او ترهبهم لا بالعكس متواضعين ومهذبين وبيحترموا نفسهم قبل الآخرين واهمية الإنسان ليست في محاولة إظهار أهميته بل في احترامه لنفسه وللآخرين عشان كده لما زول يحاول يلعب يلعب بعيد من ناس امدرمان ويشوف ليه ميدان تاني يلعب فيه دي نصيحة لاي زول عاوز يطنقع على ناس امدرمان
