شخصية مثقفه جدا أدييب وباحث وفيلسوف..هو المصرفي الباارع والخبير الإقتصادي..وهو أيضا الأديب والشاعر.كتب أجمل ماقيل في الفخر والحماسه علي مستوي السودان شدولك ركب فوق مهرك ااجماح وغناها سيد خليفه فابدع فيها….ووثق للشاعر الشايقية ودحسونه باسلوب أدبي رصين..ووجمع ووثق لأبونا حاج الماحي وأدب المديح..فكان توثيق .دقيق ومعبر….ولد الأديب الراحل عمر الحسين .في منطقه نوري الخضراء بمحلية مروي ..لاسرة عريقه ..وقدمت هذه الأسره الفريق طبييب صديق الحسين قائد السلاح الطبي.ونشا أديبنا عمر الحسين في نوري التي أحبهاااا وعشقها وظهرت جليه في كتاباته وشعره ..
..ويعرف الناس قصيدته الشهيره وهي ملات البوادي والحضر ..وصدح بها الراحل سيد خليفه فكانت روعة الكمات مع صدق الأداء واللحن المعبر
.شدوا لك ركب ..فوق مهرك الجماح
ضرغام الرجال… الفارس الجحجاح
السم النقوع…للبدن نتٌاح
تمساح الدميرة ..الما بكتلو سلاح
إعصار المفازة ..للعيون كتاح
المال ما بيهمو …إن كتر وإن راح
أبواتك جبير بيسدوا للعوجات
مطمورتك تكيل للخالة والعمات
في الجود والكرم إيديك دوام بارزات
يا أب قلباً حديد في الحوبة ما بتنفات
بطناً جابتك والله ما بتندم
يا أسد الكداد الفي خلاكَ رزم
ويا رعد الخريف الفوق سماك دمدم
بابك ما انقفل نارك تجيب اللم
ما بتعزم تقول غير استريح حرٌّم
عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق في الفارغة ما بتحوم
لا بتتلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات البادية والخرطوم
