. أشوف عينيك
مشتاق أشوف عينيك
وأعيش في عالم الأنوار .
سماوات صافيه في عيونك
وبحر واسع بلا تيار .
مدائن ناعسة في عينيك
وأبراج شاهقة عالية جدار
بتفتح فيها نافذة صغيرة
يبين وجه القمر في أطار
يترقب حبيب ما عاد
سافر وما رجع للدار
طرق مزدانة بأحلى ورود
مرصعة بأثمن الأحجار
عليها سواد الكحل مدهون
يزيد الليل عليه دثار
أحوم كل الدروب وأمشي
أسير فيها كم مشوار
أقيف عند الرصيف فيها
وألاقي سفن واصلة نهار
وأخرى راحلة للمجهول
في عينيك قررت أبحار .
حبيب بيودع الأحباب
ونازف للدمع مدرار .
وأبدأ أحسب الأنجم
وحسابي ديمة في أعثار
وأحكي حكايتي للنجمات
وأهوم ليلي في الأسحار
وأهيم ما بين حباب عينيك
بقيت زي القمر دوار .
أطل من مقل كاحليك
وأنزل للجفون في مسار
حكاوي عينيك بتسعدنا
نساهر اليل معاك سمار
ولما تغني عينيك ضاحكة
يكون كورال طرب أطيار
لقيت عينيك دروب ممتدة
يتوه الفيها حزم وسار .
حسن خالد حسين .
مايو ٢٠٢٥ م .
