منو المستفيد من عدم عودة السودانيين للوطن؟
بقلم: عباس العشاري
سؤال بسيط لكن إجابتو بتوجع.
منو المستفيد السودانيين ما يرجعوا؟ ومنو المستفيد السودانيين يطلعوا برة ويخلوا البلد فاضية؟.
هل المستفيدين هم القحاطة؟ولا المستفيدين هم الكيزان ولا الدعامة ولا المستفيدين هم الناس النالوا كراسي وإدارات مع ظروف الحرب؟بعد ما هربت الكوادر الوطنية الحقيقية،
ولا المستفيدين هم تجار أزمات الحر وب؟
نحنا بعد انتصارات الجيش، دايرين عودة سريعة. دايرين نعمر بلدنا بيدنا، دايرين نجمع أهلنا، دايرين سودان معافى .ومسؤول صادق الناس
ما تفرحو بقرارات عدم العودة، ولا بالتخويف من الرجوع. السودان ما بيتبني من الخارج، السودان بيتبني بأبنائه الراجعين، رسالتنا واضحةافتحوا الباب للعودة، سهلوا العودة، أمنوا العودة.
كفاية تشريد وكفاية متاجرة بمعاناة الناس.
البلد دايرانا.. ونحنا دايرين بلدنا. تعالوا راجعين.. البلد دايرانا كلنا.ولو البلد لسه ما جاهزة، البلد ما بتجهز إلا بحضوركم . لو كل زول قعد برة وقال منتظر البلد تتصلح، البلد عمرها ما ح تتصلح..
ونناشد المغتربين المرتاحين ؛شجعو أهلكم للرجعة. .
ونناشد المنظمات والتجار الكبار، أقيفوا مع العائدين. ، ادوهم فرصة، ما تستغلوا حوجتهم.
العودة ما قرار حكومة بس، العودة قرار شعب. لو اتكاتفنا، بنقدر نساعد آلاف الأسر ترجع وتستقر.
ما تفرحوا بقرارات عدم العودة.
نحن راجعين.. راجعين نعمرها، راجعين نلم أهلنا، راجعين عشان السودان يكون معافى.
