اول حاجة بقنع السعودية انو بحارب الإمارات
وبحسس مصر انو بحارب ليها اثيوبيا
بتحالف مع إسرائيل ضد الإرهاب
وبتحالف مع إيران ضد أمريكا
بجيب الحرية والتغيير عشان يحارب الكيزان
وبرجع الكيزان عشان يحارب الحرية والتغيير
بتحالف مع روسيا ضد أمريكا
وبغازل امريكا بموضوع محاربة الإرهاب
بجيب المشتركة عشان يحارب الدعم السريع وبعده بجيب نسخة قديمة من الدعم السريع عشان يحارب المشتركة
بجيب كامل ادريس كرئيس للوزراء ولكن بشيل منو المالية وملف الحرب والسلام والقضاء
كون مجلس سيادي بدون صلاحيات
بيرفض اتفاق جدة وبقول احسن منو الإيغاد
بيرفض الإيغاد وبقول احسن منو الإتحاد الأفريقي
بيرفض مبادرة الإتحاد الأفريقي وبقول احسن منها الرباعية
بيرفض اتفاق الرباعية وبقول الحل سوداني ومن الداخل
لكن البرهان وهو بشك في الورق وقع في خطأ قاتل وهو التفاوض مع الأمريكان بالدس
اول حاجة رفض الورقة وبعدها تراجع قال تحفظت وبعد يومين ظهر في الجامع وقال بل بس والحرب هي قرار الشعب السوداني ونحنا ماشين ام دافوق
المهم نحن واقفين في مربع الحرب وما معروف بكرة الموقف شنو
