امين محمد امين
لحدي اول امس شوال السكر (50 كيلو) كان بي (275 الف) اها الليلة فجأة بقى بي (292 الفاس) وحاليا كيلو السكر يباع بي (7) الف جنيه اما شوال الدقيق (25 كيلو) كان بي (77 الف) اها الليلة بقى بي (95 الف) وبكدا ارتفع سعر كيلو الدقيق لي (4 الف ونص) وناس الافران قالو تاني الا عيشتين بألف عشان تغطي معاهم اما لتر الزيت ارتفع من (12) الف لي (17) الف … اتخيلو الحاجات دي كلها حصلت خلال 48 ساعة فقط ودا كلو في ظل انعدام فرص العمل وضعف الخدمات وانتشار الحميات والسلاح والمليشيات القبلية وارتفاع معدلات الفقر والجريمة (بما انو في فقر اكيد في جريمة) قادرين تتخيلوا صدمة الناس قدر شنو؟ قادرين تتخيلو حالة الهلع حاتكون وصلت لياتو درجة؟ حتى التجار قللو البيع عشان متوقعين بكرة زيادات اكتر طالما الدولار وصل 7300ج ولسة ماشي وماعندو نية يقيف ووزير المالية نايم في العسل لانو الوزارة وقعت ليهو في عطاء بتاع استحقاق سلام عن طريق مليشيا ورثها من اخوهو ومستند علي تجمع قبلي بدافع عنو في الحق والباطل وفي نظرهم (ان غلط عاش الوزير وان عمل حاجة صح عاش الوزير) وقادة الدولة مشغولين بمؤامرات كونية عالمية اممية تستهدف السودان (وعينهم علي الحكم) واغلب الناس ساكتين عشان م يتهموهم بزعزعة الامن الداخلي او العمالة لجهة لا هم العملوها ولا هم الدربوها وسلحوها بعد دا لسة في ناس بتقول (بل بس) بل اكتر من كدا كيف؟ وانتو عايزين تبلوا منو بالضبط عشان نفهم…؟ حسبنا الله ونعم الوكيل
الله غالب
