الحلم : حلمت اني ماسكه قطتي البيضاء و لاقيت قفاها منحول و الشعر واقع من عليه خالص و ملتهب لدرجه اني شايفه اللحم و انا عمالة اسال نفسي ممكن دا حصل بسبب الحشرا ت؟ و ببص علي ايدها لاقيتهم نفس النظام منحولين و شكلهم بشع و انا مصدومه امتي كل دا حصل و انا مخدتش بالي وانا مرعوبه يكون مرض فطري و بينتشر و عمال افكر ف طريقه علاج ليها بس منظر القطه حسسني اني هفشل و مش هعرف اعالجها و كنت حاسه اني ضايعه
التفسير:ماسكه قطتي البيضاء(واحدة مزعلاكي مكارة ) و لاقيت قفاها منحول و الشعر واقع من عليه خالص و ملتهب(كدا الكبرياء بتاعها ضايع ) لدرجه اني شايفه اللحم (يعني شايفه حد من لحمها و دمها هو اللي عارف كل حاجة)و و ببص علي ايدها لاقيتهم نفس النظام منحولين و شكلهم بشع(يعني القطه دي الماديات بتاعتها مفيهاش شغل مهم و لا حاجه) وانا مرعوبه يكون مرض فطري(بقيتي بتتصرفي زي غيرك) و بينتشر و عمال افكر ف طريقه علاج ليها(عايزة تخلصي من الطريقه اللي عملالك متاعب ف الماديات) بس منظر القطه حسسني اني هفشل(لا مش محسساكي انك هتفشلي ) و مش هعرف اعالجها (لأ هتعرفي)و كنت حاسه اني ضايعه(لا مش ضايعه) هو ممكن تكون القطه البيضا انتي و انتي اللي زعلانه و انتي اللي كل الكلام عليكي
الرد: هو بنسبه كبيرة ممكن فعلا تكون انا و فعلا للأسف انا عندي إحساس اني مليش لزمه و ممكن الحد اللي من لحمها دا اخويا لانو عارف كل حاجه و فعلا انا بشتغل شغل مالوش قيمه بس و فعلا مش مهم و فعلا جزء اني بقيت بتصرف زي غيري مظبوط جدا انت جبتيه من جوا جوا أعماقي ….سبحان الله..انا فعلا بقيت بتصرف زي الناس لان خلاص مبقاش عندي حاجه أجري وراها و معتش بحس بأن عندي كيان و ماشيه زي ما ترسى بقي و لكن جوايا جزء بيقاوم عشان مفشلش
