أهو ديل عيال
اخواني ..
يسلمو كلهم .. وأنا عمتهم ..
بس أمهم ..
يا فرحتي .. وما احلى كلمة
عمتي ..
لو فرحو أطلع
شمعتم ..
لو زعلو انزل
دمعتهم ..
اداني الله .. منعني الله َ..
دي قسمتي .. وديل
نسمتي ..
وما احلى قولة
عمتي ..
الليله عيد ميلاد جروا
وجابو الشموع ..
دسيت على الفرن
الدموع ..
دي الفرحه اصلا
فرحتي ..
وفي ذمتي ..
وما احلى قولة عمتي ..
في ذمتي ..
ديل جنتي .. وديل
قسمتي ..
موضوعي .. أو مشروعي ..
فرحي ودمعتي ..
أهو ديل عيال اخواني ..
يسلمو كلهم ..
وأنا عمتهم .. بس أمهم ..
ع. هلاوي
