فريق إنتر ميامي كسب نيويورك ريد بولز 5-1، في ماتش جامد اتلعب فجر النهاردة الأحد ضمن الدوري الأمريكي.
نيويورك سجلوا أول جول في الدقيقة 14، لكن ميسي ورفاقه رجعوا بقوة وسجلوا 5 أهداف قلبوا بيهم النتيجة وخدوا الـ 3 نقاط.
ميسي كان ليه الدور الأكبر في الرجوع بالماتش:
صنع أول جول لزميله جوردي ألبا في الدقيقة 24
بعد كده ميسي سجل جولين بنفسه: واحد في الدقيقة 60 والتاني في الدقيقة 75
ساهم في 6 ثنائيات (هدف وصناعة) في آخر 7 ماتشات بالدوري الأمريكي
في آخر 8 ماتشات، ساهم في 18 جول (سجل 13 وصنع 5)
ووصل لرقم خرافي في مسيرته:
1260 مساهمة تهديفية (أهداف + أسيست) في 1114 ماتش بس!
اللي أهم من كل ده:
ميسي بقى الهداف التاريخي لكرة القدم من غير ضربات جزاء بـ 764 جول
رونالدو وراه على طول بـ 763 جول
والفرق؟ ميسي لعب 167 ماتش أقل من كريستيانو!
بس طبعًا بشكل عام، لسه رونالدو هو الهداف التاريخي في المجمل بـ 938 جول (بما فيهم ضربات الجزاء).
وكمان ميسي هو هداف الدوري الأمريكي للموسم الحالي بـ 18 جول
متفوق على سام سوريدج لاعب ناشفيل اللي عنده 17 جول.
