عبقرينو “السجمان” ده قولوا ليه الحظر ما ببقى على (استيراد المواد الخام للشركات) طيب المصانع دي تدور ليك بشنو

هشام علي ود قلبا
عبقرينو “السجمان” ده قولوا ليه الحظر ما ببقى على (استيراد المواد الخام للشركات) كده بس ضبة ومفتاح شاملة ، الشركات والمصانع دي تدور وتصنع ليك محلياً بشنو ؟؟
الحظر ببقى على (تصدير المواد الخام) وبرضو بضوابط ما حظر تصدير هبتلي ..
الصمغ ما تصدره كله خام وتستورده أدوية وغيره ..
الدهب ما تصدره خام ، أعمل ليك مصفاة وبورصة وأبقى إنت مركز عالمي بأنتاجك الغزير ده ..
الثورة الحيوانية ما تمرق ماشه على رجليها .. أعمل مزارعك ومسالخك ومواعين حفظك ومواعين تصديرك .. وتقوم عليها مية صناعة تتصدر ، من اللحوم والألبان مرورا بالجلود والأسمدة لحدي الزراير الفاخرة.
ده غير الخام الفي بطن الأرض من نحاس وكروم ، والفوق ضهرها من سمسم وكركدي وتبلدي وفول سوداني وحتى التسالي ، البتصدروا خام ويتظبطوا برة ويتصدروا أوروبا وأمريكا وكندا كصناعة مصرية وأماراتية وغيره ..
المطمئن في الموضوع إنه قرار عبقرينو ده حيموصو ويتمسح بيه .. هسي بقدر يقول لي سودامين أو منظومة الصناعات أو زادنا ما تستوردوا مواد خام ؟!!
بس يوجع قلبنا ويهرد فشفاشنا ساي ، الله لا كسبك يا السجمان بالبلبوه البلبيتنا بيها دي.