رحم الله الشاب أشرف عريس أسوان الذي مات فجأة في بدلة الفرح بعد دخوله قاعة الفرح ب 8 دقائق فقط ، وهو ماسك إيد عروسه ..
وتحول فرحه فجأة إلي جنازة
الموت مالوش ميعاد ولا زمان ولا مكان
وما تدري نفس ماذا تكسب غداً
وما تدري نفس بأي أرض تموت ..
🔴 البعض منكم شاف مشهد العريس اللي وقع جثــ.ة هامدة يوم فرحه..
وهو مشهد جعل كل من شاهده حزيناً باكياً
👇
🛑 الشاب الأسواني اسمه أشرف أبو حاكم من قرية اسمها الرمد بكوم أمبو ، بحسب الصحفية هدى عامر .
كان يوم فرحه هو يوم الحلم اللي استناه طول عمره زي ملايين من الشباب: البدلة، الزينة، الزغاريد، أهله وأحبابه حواليه، ماسك إيد عروسته وبيضحكوا.. والفرحة ماليه القاعة.
⚫️ وفجأة كل حاجة اتقلبت.. 8 دقايق بس من دخوله القاعة وقع أشرف على الأرض بلا مقدمات و من غير أي حركة!
المزيكا سكتت والصرخات عليت، والزغاريد اتحولت لبكاء وانهيار.. الليلة اللي كان مفروض تبقى أجمل ليلة بقت مأتم، والعريس اللي كان لسه بيضحك من شوية بقى في ذمة الله بسكتة قلبية مفاجئة.
🛑 لكن المفاجأة إن ابن عمه قال إنه كلّمه قبل الفرح وقاله: “أنا مخنوق مش عارف ليه.. عايز أقعد معاكم كلكم شوية ويمكن ماقعدشي القعدة دي تاني”
وكأنه قلبه كان حاسس إن نهايته قربت!
اللي أصعب من كده إن أشرف كان لسه فاقد أبوه وأمه وأخته من شهور قليلة
وكأن ربنا لحقه بيهم علشان مايتعبش لوحده.
📌 طب إيه سر وفاته الفجأة؟
الدكتور جمال شعبان العميد السابق للمعهد القومي للقلب كتب عنه وقال: “رحم الله عريس أسوان اللي توفى فجأة بالسكتة القلبية ، شرح إن العوامل الوراثية وضغوط الحياة والسهر والتدخين ممكن تسبب توقف القلب المفاجئ.
🔘 قصة أشرف مش مجرد خبر عادي، دي لحظة إنسانية مؤلمة أثرت في قلوب ملايين الناس..
والخلاصة
متضغطوش على نفسكم الحياة صعبة فمتصعبهاش على نفسك أكتر
ماهي صعبة أصلاً
مافيش حاجة تشتاهل صحتكم.. .
رحم الله عريس الجنة، وأسكنه فسيح جناته، وجبر بخاطر عروسه وأهله وأهلها
وعوضها خيراً .
