يا جنجويد تأسيس .. إنكار المسخ (أبو لولو) إنتماءه لقوات مسوخ جنجويد تأسيس محاولة بائسة وغبية للتملص من جرائمه

هشام ود قلبا
يا جنجويد تأسيس ..
إنكار المسخ (أبو لولو) إنتماءه لقوات مسوخ جنجويد تأسيس محاولة بائسة وغبية للتملص من جرائمه
.. نصيحتكم ليه إنه ينكركم ما بتحلكم من القانون ، في مليون دليل ودليل إنه قائد ميداني عندكم يا جنجويد تأسيس .. و (ابو لولو) ما براه عشان تحاولوا تتشاطروا وتختزلوا الجرائم فيه .. الإجرام والانتهاكات بأنواعها جزء من تكوينكم وعقيدتكم وسلوكياتكم وتربيتكم .. جرائمكم قبل الفاشر موثقة توثيق قانوني حقوقي رسمي دولي لا يقبل التفنيد أمام أي محكمة أو أي جهة .. والان جرائمكم في الفاشر بتم توثيقها حقوقياً وقانونياً .. وكله بالرسمي والقوانين والبرتكولات المقررة والمعتمدة دولياً.
يا أفندية تأسيس ..
سيدكم البصرف عليكم هو وأخوه والقادة الميدانيين ، موضوع إدانتهم بجرائم الحرب والأبادة والجرائم ضد الانسانية ده موضوع منتهي .. بلوا راسكم كلكم وزراء ومجلس رئاسة ومستشارين لحدي آخر كمريرة فيكم ، ميثاق وقانون المحكمة الجنائية الدولية في تعريفه لمرتكب جرائم الحرب ما فضل ليه إلا يذكر أساميكم واحد واحد ، ثلاثة اربعة فقرات مفصلة عليكم تفصيل .. البدل والكرفتات والجلاليب والعمم وكراسي المكاتب ما بتحلكم .. وإختزال جرائمكم في كلبكم (ابو لولو) ما بحلكم ، ولو بكرة جبتوه وشنقتوه في ميدان عام برضو ما بحلكم ، الجرائم راكباكم راكباكم ..
وكان إتحليتوا من حساب الدنيا ، لأي سبب من الأسباب ، البحلكم من حساب الآخرة شنو ؟؟؟