رشا عوض
لو ناس المشتركة ديل كفتوا قحاتي كان الدنيا اتقلبت كدا؟
لو كفتو مواطن عادي من دارفور او جبال النوبة كان سمعنا المناحات دي؟
بعدين اصلا البلد ماشة على مبدأ المجد للبندقية ، اي زول شايل بندقية حيكون شايف نفسه سيد الناس
والولد القال هو مجاهد دا ما عارف انو اخوانه المجاهدين ديل في الخلايا الامنية بكفتو في الناس من طرف؟
قلنا نعمل دولة محترمة يعيش فيها الجميع بكرامة وفي مأمن من الصفعات المهينة ، الكيزان قالوا كو ! عايزين دولة يحتكر فيها الكوز حق الكفيت والشليت والقتل ذاتو ، تكوين الجنجويييد سابقا والتحالف مع المشتركة حاليا وحرب الندامة التي يطلقون عليها زورا وبهتانا حرب الكرامة ، دا كوووولو كان هدفه تمكين الكوز من ان يكون “الكافت بامر الله ”
فمتى يستهدي الكوز بالله ويقبل بان يعيش في هذا الوطن لا كافت ولا مكفوت؟
