الجيش و الكيزان: ” دي حرب مدعومة من الخارج، و غزو خارجي، قوموا يا مشتركة ساعدونا نقاتل عملاء دويلة الشر و اسرائيل للحفاظ على البلاد و سيادتها”

مجاهد بشري
الجيش و الكيزان: ” دي حرب مدعومة من الخارج، و غزو خارجي، قوموا يا مشتركة ساعدونا نقاتل عملاء دويلة الشر و اسرائيل للحفاظ على البلاد و سيادتها”
يلا نقاتل عرب الشتات و نطلعهم من مصفاة الجيلي و الجزيرة و الخرطوم، و دارفور وننتهي منهم.
مورال فووووووووووق، مورال سم الجنجويد، و مليشيا بن زايد، يلا نقاتل امكعوكات.
(المشتركة تشيلها الهاشمية وتدفع بخيرة ابنائها في الحرب، و يقاتلون حتى ينسحب الدعم السريع خارج الخرطوم، و يعود إلى كردفان ودارفور، و يحاصر بقية المشتركة في الفاشر ويدفعوا ثمن باهظ جدا).
الجيش و الكيزان بعد انسحاب الدعم السريع من الخرطوم يتحولوا لفقه ادخار القوة و يأمروا أبواقهم الإعلامية لمهاجمة المشتركة: “امشوا حرروا أهلكم يا مشتركة في الفاشر” قاعدين هنا تعملوا شنو ؟
“اهلكم بياكلوا في الأمباز، امشوا قاتلوا الدعامة براكم.
المشتركة في ذهول : “مش انتوا قلتوا دي حرب دولية، وحرب من الخارج ضد السودان؟
نمشي نقاتل فيها برانا كيف يعني؟
الحرب الدولية دي مش مفترض الجيش اللي هو زي ما بتقولوا حامي البلاد يقاتل فيها في كل رقعة من بقاع السودان؟
الجيش و الكيزان و بلابستهم للمشتركة: “يازول دولية دي قونة، أمشوا حرروا أهلكم إنا و قوناتنا هاهنا قاعدون”، و حنشجعكم …
يلا يا لايفاتية و يا منقبين بصوت عالي: مورال فووووووق ..
“موراااااااااال فووووووووووووووق”.
ناس مورال بتعجب : فوق وين ؟
الجيش و الكيزان و بلابستهم : فوق السماء ذات البروج.
* وتستمر الحرب في إرسال المزيد من ابناء مورال إلى (ذات البروج) ..
ويجتمع الكيزان في وليمة كبيرة داخل احد أرقى مطاعم اسطنبول و تتعالى ضحكاتهم في جذل على بلاهة المشتركة ..
التي صدقت أن مكانها مش هنا ..
مكانها فووووق.