كيف .. انساك
ع َ. هلاوي
الذكرى الثانيه لرحيل زوجتي
الحرم حسين ٤ ١٢ ٢٠٢٣
ولا حول ولا قوه الا بالله ……
كيف انساك .. وانت معاي
مكان ما كان
زمان ومكان
كيف انساك .. إذا النسيان
محتاج نفسو ..
لي نسيان
وياتو عيون تساعد عيني
شان تنساك
حنين وحنان ..
وكيف انساك ..
إذا النسيان .. محتاج عندي
لي نسيان ..
تصور زول صبح في نفسو
ذاتو دموع
إذا لاح الفرح .. ممنوع ..
إذا الايام بقت
ما كان ..
وانت معاي .. وين ما كان ..
بين الضحكه
والاحزان ..
بين أولادنا
والحبان ..
منو البعرف يوصف لي
طريق نسيان ..
وياتو عيون .. تساعد عيني
شان تبكيك ..
حنين .. وحنان ..
واذا النسيان .. محتاج نفسو
لي نسيان ..
ع. هلاوي
