حنانة الشيخ ادريس
(ام الغاليين)
وهل هو واجب علينا ولا مجرد شعور متبادل؟
ولا في ناس شايفاه شيء ما ضروري وما مهم؟
هل الاحترام بحتاج مجهود؟
ولا هو غريزة موجودة عند البعض ومفقودة عند البعض الآخر؟
في مجتمعنا للأسف، في زول يحترمك عشان مالك… ما عشانك إنت.
وحتى بين الأحفاد بتحصل تفرقة في التعامل بسبب الماديات.
والمؤسف أكثر…
إن عدم الاحترام بعلم الأحفاد نفس السلوك.
لما الطفل ما يشوف احترام من أهله لأقاربهم،
بتتغرس في قلبه صفات ما حميدة،
وبيفقد خصال جميلة كان ممكن يكبر عليها…
لأن الكبار نفسهم فاقدينها.
في الحقيقة…
الاحترام ما بكلف شيء، وما بياخد من وقتنا حاجة..
هو صفة جميلة، راقية، وتستحق نديها اهتمام.
في ناس بتفرض عليك احترامها،
لأن الاحترام الحقيقي بيبدأ من احترام الإنسان لنفسه وللحوله.
الاحترام ما هو تبادل هدايا…
ولا مظاهر، ولا محاولة لإرضاء الناس.
في ناس بتجيب الهدايا عشان الناس … عشان المدح،
لكن جواهم ما في ذرة احترام.
الاحترام الحقيقي هو التعامل الطيب…
هو المحبة النابعة من القلب بدون مقابل.
هو إنك ما تتكلم عني بسوء في غيابي،
وإنك تسأل عني وتتواصل وتتطمن على أحوالي حتى لو برساله…
في ناس تحترم لما تخجلك
من تعاملها الجميل معاك
وطيب أخلاقها
والناس تاني ماتديك اعتبار
حتى لو ما احترمتني…
أنا بحترمك، لأن أصلي الاحترام، والأصل غلاب.
ولما أحترمك… باحترامي ذاته بفرض عليك تحترمني.
سوف احترمك….ودع الايام تفعل ماتشاء.
والاحترام كمان في الحيادية…
إذا حصل خلاف، ما تقيف مع الغلط لمجرد صلة قرابة،
ولا لأن الشخص قريبك.
الوقوف مع الحق هو أعلى درجات الاحترام.
الحياة ما بتستحق المشاحنات والعداوات…
نحن راحلين منها، لكن سيرتنا الطيبة هي البتفضل خالدة.
(بت البلد)
الخميس/27/11/2025
