فطيت معاك .. شعر العوينات
والخديدات ..
السمر ..
نطيات معاك .. شعرالدميعات
النجيمات
والصبر ..
يا بنيه شن معنى الغنا ..
كان كلو في انتي وأنا ..
والدنيا ماشه على
جمر ..
أنا ما عشقتك .. شان قوامك
والضمير ..
اللفته والتوب المهفهف ..
وخصلة الشعر الحرير ..
أو كنت في حبك محلق ..
أو فرذدق ..
أو جرير ..
لخصت فيك شكل الحياة ..
أو كنت فيك ..
عابر سرير ..
وأنا ما سلبتك من رصيف
وأنا ما جلبتك ..
من شوارع جده .. أو من باب شريف ..
وجبتك مستفه فوق شنط ..
وسط الملابس ..
والعطور ..
عليت عليك في بيتنا
سور ..
و طلقت في الغرف
البخور ..
أنا زول لقيتك كيفما البت الفكر
وعي وشعور ..
أنا زول لقيتك .. كيفما الواقع
حضور ..
باهت كلام كل الشعر ..
الاغنيات ..
مستهلكه ..
النظره ما عاد مربكه
الغنيه رقصه ..
وسكسكه ..
مين يقنع الشعرا الكبار ..
فات القطار ..
خسرت تجارة الاغنيات الباهته
والكلمه والبليده
وأنا من زمن بقراك
قصيده ..
يوماتي تطلع حاجه من جواك
جديده
وأنا بعشق الدنيا الجديده
الكلمه ..
والمرأه المفيده ..
ديوان .. طالع الشجره ..
