الجمعه الجامعه والكلمه السامعه

جمعه مباركه باذن الله علي جميع المسلمين.. والشعب السوداني الصامد
.حينما كنا صغارا كانت حبوبتنا متعها الله بالصحه والعافيه رقيه بت ابوحجل ..في منزل جدنا وراق سليل أسرة الوراريق الدويحيه..الذين ذكروا كثيرا في مدائح ابونا الشيخ حاج الماحي. مادح سيدي رسول الله عليه الصلاة والسلام. وحتي في تراث منحني النيل( الوراريق ليكم بصيح. وجنه عقلي يعد كان نصيح.)(وصلت الكاب يالدويحي أهل الكتاب)).. فنعود لسر الجمعه .فحينما ياتي الخميس وتسال بكره شنو في الايام نقول ليها الجمعه
فترد الجمعه الجامعه والكلمه السامعه وتدعي بعدة دعوات وهمهات لازال صداها في اذني كلما لاحت ليلة الجمعه
فدعاء الجمعه مستجاب باذن الله لانه يوم عيد لكل المسلمين..وفي يوم الجمعه تكون لمة الاحباب دائما في منزل الاسره الكبير.. وللجمعه طعم ومذاق عند الشعب السوداني ففطور الجمعه دائما مميز..وشاي الجمعه مميز وقهوت الجمعه بعد الصلاه لها نكهه وطعم ولون.فنسال الله في ليله الجمعه ان يحفظ لنا بلادنا .وينصر جيشنا.. ويديم الصحه والعافيه علي اهلنا وكبارنا
ياااارب
جمعتكم مباركه باذن الله