من نوادر الفنان النعام ادم : يرويها السباح العالمي سلطان كيجاب

عندما كنت كورس مع النعام ادم كانت لنا معه ذكريات ومواقف كثيره وظريفه،روي لنا قصه مع والده قال اشتريت ليه نخلات وزرعتهم وجاء ابوه وقال له يا النعام الحته دي عاليه المويه مابتطلعه انقل من محلهن ده فقال النعام نقلتهم لي جهه تانيه بعيده فجاد والده ثانيا وقال له الحته دي حصحاص الشتل مابقوم فوقه ولابشيل انقل من المحل ده وديهن كدي محل عين المويه قال تاني نقلتهم المره دي مشيت زرعتهن في طرف القيف قال تاني جاني ابوي قال ليه المحل ده جرف والشتل مابقوم في الجرف انقل من محلك ده لاغرب قال قت ياخي انا مالي ومال كله مره انقلن من هنا لي هنا قال مشيت لي واحد في الحله بعتهم ليه ريحت نفسي وجاد شالن كلهم وبعديومين ابوي شاف الشتل مافي جاء سالني انت يا النعام الشتل انا ماشايفن نقلتهم وين النعام قال ليهو نقلتهن الجامه يكمل دراست تلاثه مرات زي المدرسه انقل فيهن تاني باقيلن شنو غير الجامه