آية الغازي كشان : قصة كفاح = حياة

قصتنا لليوم شخصية مختلفة جدا كاتبة محتوي مميزة قادرة تصنع محتوي مشوق يجبر اي قارئ يستمتع بالحروف انا اكتر شخصية بستمتع للزولة دي وبكل حب الدنيا بنتظر بوستاتها نفسك تتعرف على الشخصية البتكلم عنها منو المزيونة أساور ياسر عدد كبير مننا سمع بيها أو قرأ ليها بوست وبكى فيهو ولو لا اكيد مرا عليك بوست ليها أو سمعت اصحابك اتكلمو عنها وكلنا لمن نلقي الناس بتتكلم عن شخصية ملهمة بنسعي عشان نعرف دي منو وقصتها شنو بنبحث ف الميديا عن اسمها ولو ما لقينا بتلقي نفسك بدون ما تحس بتمشي تسأل كاتب محتوي زيها بقول ليك المزيونة بالله هو شخصية زيها تعال نمشي مشوارنا سوا دائما بقول انو شخصية إستثنائية لانو انا ماشة بفكرة الأصل ما ببقي صورة جات الحرب وعاشت تفاصيل مؤلمة زيها وزي اي زول قاعد ف الخرطوم وبشوف البحصل قدام عيونو عمرها ما فشلت في أنو تطمنا من خلال كلامها والمحتوي البتلقاهو كلو طمأنينة وتفاؤل البقرأ كلامها ممكن يفتكر أنو ف الولايات بس لا والله عاشت 6 شهور ف الحرب المهم فكرت أنو الشغف ما بتجمد باي شكل من الأشكال ولا لاي سبب كان نفسي اقول نفضت الغبار الفيها بس ماف غبار كل العملتو قدرت تصنع محيط إيجابي وواعي وخلال الفترة دي غيرت عقليات شباب كتار ودائما ماشة بمبدأ أنو اي شخص بعرفني بعتبرهم أخواني ولمن أعمل حاجة ما بعملها لنفسي بعكس العايشنو وبتحتوي المواقف دائما كل محتوي صنعتو كان مختلف وتأثيرو عالي جدا ومشوق للأمانة مافي بوست واحد من الموجودات ف صفحتها بمثلها في نفسها لاا كلماتها بتمثلنا كلنا جددت فكرة سُعداء وبدت مشوارها من الأول وعملت حاجات كتيرة شديد ولسه بتعمل عشان تبني جيل واعي ذاتيا ومدرك لكل حاجة بعملها الفشل بولد العزيمة والإصرار واتعملنا منها أنو ما نفكر في الفشل دائما لانك تستحق الافضل وعشان نفسك لازم تسعي تجتهد وتفهم نفسك حتى تنهض لانو نهوضك ده بعني انو انت جواك انسان مثابر دي قصتنا لبطل اليوم يجميلة بتمني ليك كل التوفيق والنجاح الدائم ومحباتت كتارات ليك
نتلاقي المرة الجاية مع شخصية مكافحة جديدة